الصوت راحت نبرتہۧ .. [ ڪيف أناديڪ ] ؟

كل الدروب اللي تقهـوت خطــاويك
هــّزت فناجيل الشـقا فـّ إنتظــارك

خبيت باكر داخــل أبواب ماضيك
وأسدلت في وجهي مـواري قرارك

أتعبت لـون الصبح وأنا أنشغل فيك
وأرهق سماي الليل بأحضـــان دارك

حلمك ..طقـوسك ..إنتظارك .. أمانيك
قلي : وربك وش عثى بـّـّ إختـيـارك

غبت ورحلت وعاش فالجوف طاريك
وانا انسكب لك بين بردك (و) نــارك

خيبت قلب(ن) عاش يرضي هقـاويك
وطــاحت فصوله في زوايا مطــارك

الصوت راحت نبرته..< كيف أنـّاديك >
عساه يلقى ريشة (ن) من مســـارك

فيها من كفوفك عطورك واغــانيك
وفيها من وصوفك / حلاك وسمــارك

وفيها من عيــونك ( أمل ) عايشن فيك
وفيها من أعماقك.. صور عن وقـارك

عزمت ألون لوحة أشياء تبكـّــــّيك
طغى السواد بحزننا وإحتضـّــّارك

سألت عنك هالسكـــك والشبــــابيك
وأصحاب عمـــرك والمسافه وجـارك

رغم اني أحسدهم [ معاك و حوالـيك ]
وأنا فراغ وصورة (ن) في .. جـدارك

في حفلة الكتمان غـابت حـراويك
عن ضيقة الألـوان ... قفى .. مـدارك

كـانت دموعـك صـوت لاقلت : مابيك
أمزح أحب اشرب قســاك و مرارك

عمر(ن) يعيشك حب دايــم .. يراعيك
في جيتك .. في روحتك .. فإنتظـارك

يعطيك العافيهـ

» برنامج لفصل الصوت عن الموسيقى