عـزة نفسي .. مآبتسمح لي آنسسى جرحي وآركض ليك

مدخل : ~
صآدف غرورك عزة آلنفس فيني .. ولآ خضعت بعزة النفس معذور


في تعاملآتنا اليوم .. وتعآمل بعضنا الآخر الكثير من الصفآت الحسنه والحميده
والسيئه المبغوضه ..
عزة النفس
دايم تصير مواقف من حولنا البعض يجيد التصرف فيها والبعض لا يجيده خاصة
أوقـآت الزعل والعصبيه وهالأمور ..
لما نعصب من أشخاص قريبين لنا أو يصير بيننا وبينهم سوء تفآهم ويبدأ كل واحد
فينا يبعد عن الثآني .. ونبقى بعيدين عن بعض لفترآت طويلة .. ولما نجي نفكر
نسآمحهم نقول : لآ هـم الغلطآنين .. كرآمتي أهم
ليه أنزل نفسسي لهم ! ليه ما يعتذرون لي هم ..! ونرجع نعيش بعيدين عنهم وهم
بعيدين عنا ..
والسبب في هذا الكرآمه

مره وحدهـ من معآرفي تكلمني تحكي لي عن مشآكلها مع أختها تقول صار بيني
وبينها سوء تفآهم ولها 3 شهور ما تكلمني
قلت السبب ؟ قآلت مره كنا عند ناس وكآنت معصبه قالت آمي قومي صبي آلتفت عليهآ قلت لها قومي صبي قالت : آقول آسكتي آسكتي ..
قالت لي كذا قدام الناس وتبيني اسآمحها .. قلت بس أنتم آخوآت قالت بس ذلتني
قدام الناس كرامتي ما تسمح لي اروح لها آعتذر منها وهي الغلطانه

واعرف وحدهـ برضو متزوجه صار بينها وبين زوجها مشكله هي معصبه وهو معصب طلعت من عندهـ ورآحت لأهلها وطولت هنآك لآ هي آعتذرت له ولا هو
آعتذر لها ..
لما يتكلمون معها يقولون لها هذا زوجك وبادري انتي بالحسنه تقول وكرامتي امسح
فيها الأرض !
اخليه يغلط علي مره ومرتين وأهين كرامتي له .. واعتذر منه ؟!
قالوا لها بس هذا زوجك .. واللي بينكم أكبر من سالفة كرامه وما كرامه ..؟
قالت ولأنه زوجي ماراح اسمح له يهين كرامتي اول مره عشان مايتعود ويهيني كل مره .. اهون عندي ابقى في بيت أبوي ولآ أهين كرامتي لشخص وأعتذر !

يعني معقولة توصل أحيانا كذا بين الزوجين ! هذي نقدر نسميها مسأله عزة بآثم

ذكرت أغنيه رابح :
( افترقتوا مو هذا اللي تبونه ..! طيب ليه كل وآحد عآيش في ألم !
ماتعبتوا من شعور تكتمونه ..! وإلا هي مسألة عزهـ بآثم )

ترى إذا جينا للجد كثير ناس يمشون على هالنقطه يكابرون ويتعبون .. كله عشان
مايعتذرون ولا يهينون أنفسهم ..

الحين فيه كثير ناس مآخذين الإعتذار إهانه .. وأنه إذا اعتذر يمسح بكرامته الأرض
وأنه يصير إنسان تافه مايسوى شي .. ع أن الدنيا هذي فانيه وكلنا بنموت وبنتركها
أنا ما أقول كذا معناها اني بهين كرامتي واسامح كل واحد يجي ويغلط علي .. صح
انه المفروض كذا .. بس شي اصلا غصب ع الواحد موب بيدهـ


أنا راح اقولكم بعد موقف وحده تقول ان زوجها ضربها .. وشالت كل أغراضها
وراحت لبيت أبوهآ .. مر يومين .. وثلآثه ايام الرجال خلاها لين تهدأ وهي كل
مامر يوم تقول ازيد حقد عليه ليه مادق يعتذر ..! قلنا لو دق بتردين قالت لا طبعا
بس ابيه يدق ويدق ويدق وبطنشه
المهم الرجال دق بيعتذر لها ماردت عليه .. ودق مره ثانيه ولا ردت عليه وآرسل
لها مسج ونفس الشي مطنشته ..
ارسل : أنا أعتذر وكانت لحظه غضب وخذي مني وعد رجال ما المسك مره ثانيه
وإذا تكررت الحركه ارجعي لبيت ابوك ولا تكلميني ابد ..
وهي مستمره تطنشه وتقول لا كرامتي أهم .. كرآمتي أهم ..
المشكله هي تحبه ومهما صار زوجها .. بس مره ماسكه معها وإذا احبه بدوس على
قلبي وانتصر لكرامتي ..
إذا عاش الإنسان بدون كرامه .. مايكون له قيمه
وجلست تكابر ولعب في راسها الشيطان لين تركها زوجها وانتهت بينهم بالطلاق عشان كرامتها ..
أنا مدري وش الأهم نطآوع قلوبنا اللي تخلينا نسامح كل اللي نحبهم ونرضى بأي
شي منهم !
وإلا نطآوع الكرآمه اللي بتبعدنا عنهم .. وبتخلينا نظل نكابر ونكابر ونكابر لين نفقد
الأشخاص اللي نحبهم !


المشكله أحيانا تصير سالفه الكرامه وعزة النفس بين الأخوان والأخوات وهذا اللي يقهرني ..
مثل اخوات ثنتين كبار صارت مشكله بسيطه بين الأطفال وتدخلوا فيها الكبار وكبرت
السالفه وكل وحده قاطعت أختها عشان اللي صار ..
وكل وحده خصصت لها يوم عند أهلها مايجتمعون بيوم وآحد .. وكل وحده لما يقولون لها اعتذري للثانيه تقول وكرامتي ؟
أنا بصراحه ما اؤيد ابدا سالفه الكرامه ومالكرامه بين الأخوان والأخوات يعني هم
من لحمي ودمي .. تربينا مع بعضض وعشنا مع بعض سنوات طويله في بيت واحد
وشلون عشان أطفال صغار عقولهم صغيره اقاطع اختي واقول كرامتي ماتسمح لي ..

وقصص كثير نسمعها عن الكرامه ووش الأهم الكرامه وإلا القلب وتختلف وجهات النظر ..
الكرامه مع الحبيب .. الكرامه مع الصديقات .. الكرامه مع الأهل .. الكرامه مع الأخوات والأخوان ..

وانا عندي قناعه أن أغلب اللي يكابرون عشان كرامتهم ينطبق عليهم
( مسألة عزة بإثم )
أحتاج قصصكم وتجاربكم ومواقفكم مع الكرامه وعزة النفس واللي صاير
له موقف في الكرامه وندم عليه ..
أو انه صار له العكس تمنى مثلا أنه تمسك بكرامته .. عشان ماينهان
بإنتظآركم


مخرج :
آذكرك ياللي أنت ناسي .. وآقف بوجهك يا قاسي
شموخ عزي وإحسآسي .. يسوى كوني ومدارهـ

شكرا على الموضوع الرائع وفعلا هذا الحال و تنقلب عزة النفس الى كبرياء والمسامح هو الكريم وخيركم من يبدأ ب السلام والله عزوجل يقول (والكاظمين الغيظ والعافين عن الناس