( نزف المشاعر)
جرب الغربة مثل غيرك وسافر
منت بأول حب يهجرني بعيد...
جرب الغربة ترى نزف المشاعر
يحتويني دام لك عشق جديد...
البقاء للحزن في نبض الدفاتر
لو تغيب العمر ماغاب القصيد...
أنا في حبـك ترى أتعب واغامر
وانت قلبك ثلج واحساسك بليد...
عادتك تجرح ولا تخفي الخناجر
من عرفتك وانت باحزاني تزيد...
باكر الاوجاع رهينات المقابر
كم من الاحزان في صدري شهيد...
صادق الإحساس من طبعه يثابر
مايبيع الود في حبه فريد...
كثر ماتكسب ترى ماني بخاسر
ماخسر من صار في حبك زهيد...
انت عندك قلب واحد لاتكابر
كيف تحيا به معي دامه شريد...
جرب الغربة ترى صمت الحناجر
صرختي دامك تبي وجه سعيد...
انا لو تدري ترى عشتك مسافر
في عيوني كنت وفي نبض الوريد...
